ولد .... وعاش .... ثم مات

انا هاحكى لكم قصة واقعية وحقيقية

حصلت لى خلتنى اعيد التفكير فى حاجات كتير افكر فى حالى وحالتى وبلدى ودنيتى كلها

الكلام ده كان يوم 6 اكتوبر اللى فات

صحيت من النوم كالعادة متأخر

اتمطعت وقومت ادور على حاجة اشربها ( اصلى مش من هواة الفطار الصبح )

المهم عملت كباية نسكافيه وطلعت اقعد فى الصالة

وطبعا كان الحاج قاعد هناك لانه اجازة ومن هواة الصحيان بدرى

فتحت التليفزيون وقلبت فى القنوات كلها مالقيتش غير اغانى وطنية

وافلام زى ( الرصاصة لا تزال فى جيبى - بدور - الطريق الى ايلات )

طبعا اتخنقت لانى كان عندى امل اشوف كليب ( لروبى او نجلا مثلا )

او فيلم كوميدى او فيلم اجنبى اكشن

بس للاسف رحت قافل التليفزيون وجوايا خنقة مالهاش حدود

وبصيت للحاج وقولتله هو احنا هانعيش اليوم كله فى حكاوى الحرب دى

بس .....

ولقيت علامات الاستهجان والاستنكار اترسمت على وشه

وطلع صوته بحرقة وقاللى ( ما هو انتوا ما شفتوش اللى احنا شوفناه عشان تقولوا كده وما عملتوش اللى احنا عملناه دى كانت ملحمة ... الخ )

طبعا كالعادة اتشاغلت عن كلامه بالنظر للسقف او معاكسة دبانة معدية من جنبى عمال اهشها اهو اى حاجة اسلى فيها وقتى لحد ما قصيدة الحرب والسلام لتلستوى دى تخلص

لحد ما فجأة حصلت حاجة غريبة قوى قوى قوى قوى

وسط كلام الحاج وانا بجرى بعنيا ورا الدبانة

جات عينى فى عيون الحاج وشفت ساعتها حاجة مش ممكنة

حاجة غريبة

شفت فى عيونه نظرة

( اه والله نظرة )

شقلبت الدنيا

نظرة ما شفتهاش فى عيون اصحابى او اخواتى

نظرة ما شفتهاش فى الجامعة او مع الشلة

نظرة ما شفتهاش فى النادى او فى الكافيهات اللى بروحها

نظرة كنت خايف اشوفها

نظرة شقلبت حالى

النظرة دى كانت نظرة بطل

نظرة فخر

نظرة اعتزاز باللى عمله

ولاول مرة فى اليوم ده بالذات ابص له قوى واركز فى ملامحه وهو بيتكلم

واشوف الفرحة وهو بيحكى عن بطولاته

هو واصحابه

هو واعمامى وخلانى

هو وجيله كله ولقتنى باسأله ( بابا هو جدى الله يرحمه لما كان بيقعد معاك كان بيحكيلك على ايه )

قاللى كان بيحكى معايا عن ثورة عرابى

ده جدك كان ثورجى قديم

ده مشى مع سعد فى ثورة 1919

وكان واقف ورا احمد عرابى على طول

ده لولاه ما كنتش انا ولا انتا بقينا هنا

زى ما لولا ما حاربنا فى 1973 ما كنتوش انتوا اتوجدتوا

ودى كانت اخر كلمة سمعتها من الحاج

مع انه فضل يتكلم عن الحرب اكتر من ساعتين وانا ما اتحركتش من مكانى

بس انا ماكنتش انا وما كنتش هنا

كنت بفكر فى حاجة تانية خاااااااااااالص

وبسأل نفسى سؤال تافه قووووووووووى

انا ليه ....؟؟؟؟ انا لما هاقعد مع اولادى بعد كده هاقولهم انا ايه ؟؟؟؟؟؟؟

انا عملت ايه فى حياتى

هاقولهم انا كنت بطل فى ايه ؟

هاقولهم انى حاربت البطالة خمس سنين متواصلة لحد ما انتصرت عليا فى الاخر واضطريت الجأ للواسطة عشان اشتغل ؟؟؟؟!!!!!!!!

ولا هاقولهم انا كنت بحارب يوميا فى المواصلات عشان لقمة العيش لحد ما لقيتها

ولا هاقولهم انى حاربت الحكومة وانا صغير لما كنت معور ابن الجيران وكانوا عاوزين يقبضوا عليا وكنت بهرب منهم لحد ما بقت قضية وخدت فيها شهر مع الايقاف عشان المحامى كان شاطر

هاقولهم ايه

لما هاقعد مع اولادى هاحكيلهم على ايه

ايه البطولة اللى انا او انتا او غيرنا من الجيل كله عملها يتحكى عليها

ايه كان دورنا فى الحياة

الحاج سمعته مرة بيقول لواحد من اصحابه وبيوصيه

( انا عاوز لما اموت يتكتب على قبرى بطل من ابطال حرب 73 )

طيب انا ممكن اكتب على قبرى ايه ؟؟؟

( ولد وعاش ثم مات )

طيب بلاش انا اصلى مش لوحدى ولا مشكلتى انا بس ياترى جيلنا كله هايكتب على قبره ايه

ايه دورنا فى السياسة ولا فى البلد

دى اكبر مشاركة عملناها فى حياتنا انتخابات مجلس الشعب

( والله اعلم اصواتنا دى اللى اتعدت ولا اصوات جدودنا اللى ماتوا )

طبعا فاهمين

انا بس بسأل سؤال واحد هنا وعاوز اشوف الردود

كل واحد يفكر ها تكتب على قبرك ايه بعد ما تموت ؟؟؟؟؟

عاوز حد يجاوبنى وعاوز اشوف الردود

ela Rasool Allah

كل المصائب تهون الا اهانة رسولنا العظيم الى كل مسلم وموحد بالله الى كل انسان على وجه الارض قال لا اله الا الله وان محمدا عبده ورسوله الى كل رجل غيور على نفسه وعرضه ودينه لقد اهانوا رسولنا على الملأ لقد صوروا رسولنا بما ليس فيه لقد اهانوا المسلمين جميعا الانجاس اهانوا اشرف الخلق اهانوا الصادق الامين اهانوا رسول الله اهانوا نور البشرية ونحن نقف مكتوفى الايدى نشاهد ونتصعب ولا نفعل شيئا نشاهد الاهانة لرسول الله ونسكت تكذب حكوماتنا من قالوا اننا سحبنا سفيرنا من الدنماركحكوماتنا تستنكر ان علاقتنا بالدانمارك يشوبها التوتر ويقولون ان العلاقة بيننا علاقة قوية واننا اصدقاء اى صداقة هذه بيننا وبين من يهزأ برسولنا هم يستهزأون برسولنا الكريم وحكومتنا تنفى توتر العلاقاتالى هذه الدرجة هان علينا ديننا الهذه الدرجة هان علينا رسولنا الى اين يقودنا حكامنا الى اين لا بارك الله لك ولا فيك لو حدث هذا فى عهد الخلفاء الراشدين لاشتعلت الحرب غيرة على ديننا ولو حدث هذا فى اى زمان سابق لانقطعت على الاقل العلاقات وسحب السفير المصرى من هناك وطرد سفيرهم الى غير رجعة ولكننا فى العصر المبارك ولاننا فى العصر المباركفلا اقل من ان نقدم اعتذار رسمى فى جميع الجرائدلأن بعض المتشددين قد تظاهروا بسبب هذا الموضوعوبما اننا فى العصر المباركفيجب ان نقدم فروض الولاء الى من اهانونا قال رسول الله صلى الله عليه وسلم (( علموا اولادكم السباحة والرماية وركوب الخيل ))ولم يقول علموهم الخوف والسكوت للجبناء لم يقول ابدا علموهم الخضوع والاستذلال لاعداء الله واعداء الدين حسبنا الله ونعم الوكيل فى كل من اهاننا حسبنا الله ونعم الوكيل فى من ارتضى لنا الاهانة حسبنا الله ونعم الوكيل في من ارتضى الذل لاولادنا الم تسأل نفسك يا من بوركت فى جهنم ما ستقول لربك يوم القيامة عندما يسالك بماذا قابلت اهانة رسولك الا تعلم انك مسئول عننا جميعا الا تعلم انك مسئول عن نصرة الدين ورفعة شأنه أأغفلت انك ستحاسب أأغفلت انك ستقف بين يدى العزيز الجبار وتحاسب عن شعبك وعن دينك ياأمة الاسلام ياأمة قالت لا اله الا الله ياأمة شهدت ان محمدا رسول الله هبوا وافيقوا من غفلتكم هبوا للدفاع عن دينكم وعرضكم هبوا للدفاع عن نبيكم قاطعوا منتجاتهم تظاهروا واضغطوا حتى يطردوا سفيرهم افعلوا مابدا لكم المهم هو ان تتحركوالقد هان علينا من قبل اخواننا فى فلسطين وهان من قبلهم المسلمين فى اندونيسياومن قبلهم المسلمين فى صربيا وكسوفو ومن قبلهم هان علينا المسلمين فى كافة بقاع الارضولكن ابدا لن يهون علينا رسولنا لقد اصبنا فى مالنا واصبنا فى اخلاقنا واصبنا فى قيمنا واصبنا فى حالنا ولكن كل المصائب تهون الا اهانة رسولنا الكريم (( الا تنصروه فقد نصره الله )) صدق الله العظيم